नगरका हरेक कामकारबाहीहरुलाई ब्यबस्थित तरिकाले सम्पन्न गर्नको लागी नगर प्रमुख लोकमान बुढाथोकीको सचिवालयमा तिन जना विभिन्न क्षेत्रका ब्यक्तिहरुलाई समाबेश गरिएको छ । नगर कार्यपालिकाको बैठकको निर्णय अनुसार भुम प्रकास भण्डारी, टिकाराम भण्डारी (दिपसागर) लाई प्रेस सल्लाहकार र चित्र राणालाई सचिवालयमा नियुक्त गरिएको छ ।

त्यस्तै श्री शिशु जागरण माध्यमिक विद्यालय बा.न.पा ९ खोरबारेका शिक्षक बिरेन्द्र प्रकास डि.सी.लाई नगर शिक्षा शाखामा काजमा काज पत्र दिएको छ ।
साथै बागचौर नगरपालिकाको कानुनी सल्लाहकारमा थलराज भण्डारीलाई नियुक्त गरिएको छ ।

सोहि कार्यक्रममा बागचौर नगरपालिका वडा नम्बर ९ को लागी केन्द्रले दिएको शहरी स्वास्थ्य केन्द्र निर्माण सम्बन्धि परिपत्रलाई नगर प्रमुख बुढाथोकीले वडा न ९ का वडा अध्यक्ष मोहन चन्दलाई हस्तान्तरण गर्नु भएको थियो ।