सामाजिक सुरक्षा तथा ब्यक्तिगत घटना दर्ता प्रणाली सुदृढीकरण आयोजना सम्बन्धी अभिमुखिकरण तथा दर्ता प्रणाली कार्यक्रम बागचाैर नगरपालिका बागचाैर सल्यानमा सप्पन्न भएको छ । यो सँगै बागचाैर नगरपालिका सल्यानका १२ वटै वडामा अब अनलाइन प्रणाली मार्फत सामाजिक सुरक्षा तथा ब्यक्तिगत घटना दर्ता गर्ने सकिने छ । अबका दिनहरुमा सामाजिक सुरक्षा र ब्यक्तिगत घटना दर्ताका सम्पुर्ण कामहरु वडा कार्यालय बाटै हुने भएको छ । बागचाैर नगरपालिका सल्यानका नगर प्रमुख लोकमान बुढाथोकीको अध्यक्षतामा सुरु भएको कार्यक्रममा स्वागत मन्तब्य बागचाैर नगरपालिकाका नि. प्रमुख प्रशासकीय अधिकृत राम बहादुर हमालले राख्नुभएको थियो । बागचाैर नगरपालिकाका १२ वटै वडाका वडा सचिव र पञ्जिकाधिकारीहरुका लागि सुरु गरिएको तालिम ३ दिन सम्म चलेको थियो । तालिममा सामाजिक सुरक्षा तथा ब्यक्तिगत घटना दर्ता प्रणाली सम्बन्धि वडा सचिव र पञ्जिकाधिकारीहरुलाई प्रशिक्षण गरिएको थियो । तालिमको अन्त्यमा एक अनलाइन सर्वेक्षण पनि गरिएको थियो । जसमा वडा सचिव र पञ्जिकाधिकारीहरुले आफुले जानेका कुराहरु सर्वेक्षण मार्फत तालिममा आ आफ्नो विचारहरु प्रस्तुत गर्नुभएको थियो । सल्यानको बागचाैर नगरपालिका सेवा इकाई बागचाैरमा रहेको राष्ट्रिय परिचयपत्र तथा पञ्जिकरण शाखामा कार्यरत एम. आई. एस अपरेटरहरु धनेश्वर खड्का र खुमराज घर्तीले कार्यक्रममा प्रशिक्षण गर्नुभएको थियो । उक्त कार्यक्रमको सहजीकरण बागचाैर नगरपालिका सल्यानका सुचना अधिकृत तिर्थराज डाँगीले गर्नुभएको थियो भने फिल्ड सहायक बामदेव के.सी ले कार्यक्रम संचालन गर्नुभएको थियो ।