बागचौर नगरपालिकाको आधिकारिक वेभसाइटमा स्वागत छ |

नेपालको कर्णाली प्रदेशमा पर्ने बागचौर नगरपालिका प्राकृतिक तथा धार्मिक एवं भौगोलिक बनावट र कृषि क्षेत्रले महत्त्वपूर्ण नगरपालिका मानिन्छ । यो नगरपालिका २८° २६’  देखि २८° ३१’ उत्तरी अक्षांश र ८२° १४’ देखि ८२° २३’  पूर्वी देशान्तर सम्म फैलिएको छ | वि.सं. २०७३ सालमा साविकका थारमारे,शिवरथ , कोटाबारा, कोटमौला, पिपलनेटा र बाफुखोला गाबिसहरु मिलेर बनेको बागचौर नगरपालिकामा हाल बाह्र वडाहरु रहेका छन् । प्राकृतिक र भौगोलिक बनावटको रुपले विभिन्न सम्भावना बोकेको बागचौर नगरपालिकाको कुल क्षेत्रफल १६३.१४ वर्ग किलोमिटर (१६,३१३ हेक्टर) रहेको छ । नेपालको जनागणना २०६८ अनुसार बागचौर नगरपालिकाको कुल जनसंख्या ३४,११८ मध्ये १६,५२६ (४८.४४%) पुरुष र १७,५९२ (५१.५६%) महिला रहेको छ |

बागचौर नगरपालिकामा प्रमुख जातजाति क्षेत्री,कामी,दमाई,मगर,ठकुरी,ब्राह्मण,सार्की,तामाङ,गाइन आदिको बसोबास रहेको पाइन्छ ।बागचौर नगरबासिले मुख्य गरि हिन्दु धर्म मान्छ्न भने थोरै नगरबासिले कृशिचयन र ईस्लाम धर्म मान्नेगरेको पनि पाईन्छ ।यहाँका मानिसहरुको मुख्य पेशा कृषि हो भने यहाँ सबै भन्दा बढी उत्पादन हुने मकै,गहुँ,जहु,आलु,कोदो, सुन्तला,अदुवा,टिमुर,आदि हुन ।बागचौर नगरपालिका भित्र पर्ने मुख्य बजारहरु,मोख्लाको केही भाग,कालाखेत,थारमारे,बागचौर,खरिबोट,रारेचौर,बाङ्गेलाखुरी,पेदिखोला,सिमखोली,बाफुखोला दोभानबजार,बगरबजार,रातामाटा,पातिहाल्न कोटबारा टाट्केबजार,कोट्मौला पातिहाल्न शन्देशबजार,खोरबारे,पिपलनेटा,चौरपानी,रातापोखरा आदि हुन ।

बागचौर नगरपालिका भित्र एउटा प्राथामिक स्वास्थ्य केन्द्र र पाँच वटा स्वास्थ्यचौकी रहेका छ्न । एउटा क्याम्पस, १० माध्यमिक बिधालय, १५ आधारभुत बिधालय र ४४  प्राथामिक बिधालय रहेको उक्त नगरपालिकामा ९३% साक्षरता रहेको छ । बागचौर नगरपालिकाको वडान ४ लौराबाङ्गमा जिल्लामै चर्चामा रहेको शारदा नदिको मुहान पर्छ भने अन्चलकै नाममा रहेको राप्ती नदिको मुहान बाफुखोलाको पाण्ढल दहरखोलालाई भन्ने गरिन्छ । मोख्लामा रहेको शिवगुफ्फा यहाँको प्रमुख धार्मिक स्थलहो भने बाफुखोलाको बिजयधुरि,कोट्मौलाको मखलामलेख पर्यटकीय स्थलहरुहुन । पूर्वमा सुकिदह गाउपालिका रोल्पा, पश्चीममा कुमाख गाउपालिका सल्यान, उत्तरमा दार्मा गाउपालिका सल्यान र दक्षिणमा सिद्द कुमाख गाउपालिका सल्यान सिमाना भित्र रहेको बागचौर नगरपालिका सल्यान जिल्लाबाट उत्तर-पुर्व जस्तो देखिन्छ,भने यहाँ ५,९०६ घरधुरी संख्या रहेको छ ।बिकासको संवाभना तिब्र रहेको बागचौर नगरपालिकाको कुल उचाई समुन्द्री सतह देखि १,३२० मिटर रहेको  पाइन्छ |


                                                                                       साविक गा.वि.स. र नगरपालिकाका वडाहरु

 

नगरपालिकाको  वडा नं.    साविकका ग.वि.स. हरुको नाम      साविकका  वडा नं.     नयाँ वडाको कुल जनसंख्या           पुरुष                    महिला

१                                              थारमारे  गा.वि.स.                       वडा नं.  १, २, ३                      २८२५                             १३८६                   १४३९

२                                              थारमारे  गा.वि.स.                        वडा नं. ४, ५, ८                      ३६९४                             १७९२                   १९०२

३                                              थारमारे   गा.वि.स.                       वडा नं.  ७, ९, ६                     २५७१                              १२६२                    १३०९

४                                               सिवरथ   गा.वि.स                       वडा नं.  १, २, ३, ४, ९              ३२१०                                १५४१                   १६६९

५                                              सिवरथ   गा.वि.स                        वडा नं.  ५, ६, ७, ८                 ३५५३                               १७२०                   १८३३

६                                              कोटबारा  गा.वि.स                       वडा नं.  २, ३, ४, ५                 २७२८                               १३७४                   १३५४

७                                              कोटबारा  गा.वि.स                       वडा नं.  १, ६ , ७, ८ ,९            ४१९९                               २०७५                   २१२४

८                                              कोटमौला  गा.वि.स.                     वडा नं १,२,३,४,५                   २१५५                                १०४१                     १११४

९                                               कोटमौला  गा.वि.स.                    वडा नं ६,७,८,९                     २८७५                                १३५६                    १५१९

१०                                              पिपलनेटा  गा.वि.स.                   वडा नं. १ देखि ९                     २२२९                                 १०५३                     ११७६

११                                              बाफुखोला  गा.वि.स.                   वडा नं. ६, ७ , ८ ,९                १८५७                                 ९११                       ९४६

१२                                              बाफुखोला  गा.वि.स.                   वडा नं. १, २, ३, ४, ५             २२२२                                   १०१५                    १२०७