नगरपालिकाको वडा नं. ४ साबिक शिवरथ गाउँ विकास समितिका वडाहरू १, २, ३, ४ र ९ मिलेर बनेको छ । वडा नं. ४ को क्षेत्रफल १४.६३ वर्गकिमि रहेको छ । यस वडाको डिजिटल सर्भेअनुसार कुल घरधुरी संख्या ६९२ रहेको छ । यस वडाको कुल जनसंख्या ३,५०३ रहेको छ । जसमा पुरुष १,७६५, महिला १,७३८ र अन्य शून्य रहेको छ । सर्भेअनुसार कुल साक्षर जनसंख्या २,३६६ रहेको छ । साक्षर पुरुषको जनसंख्या १,२६५ र साक्षर महिलाको जनसंख्या १,१०१ रहेको छ । यहाँ मगर समुदायको बाहुल्यता रहेको छ ।

बेमौसमी तरकारी तथा आलु उत्पादनको लागि पनि उपयुक्त रहेको यो वडामा बसोवास गर्ने व्यक्तिको मुख्य पेसा कृषि तथा पशुपंक्षीपालन रहेको छ । यसबाहेक व्यापार, व्यवसाय तथा घरेलु उद्योग, थोक तथा खुद्रा व्यापार, शिक्षण, बैदेशिक रोजगार, सरकारी सेवाका साथै होटल, पर्यटन जस्ता आयआर्जनका पेसाबाट यहाँका जनताले आफ्नो जीविकोपार्जन गर्ने गर्छन् । आलु, मकै, गहुँ, धान तथा बेमौसमी तरकारी खेतीका लागि राम्रो मानिएको छ ।