FAQs Complain Problems

बागचौर नगरपालिकाको आधिकारिक वेभसाइटमा स्वागत छ |

पश्चिम नेपालको मध्य पहाडी भुभागमा अवस्थित कर्णाली प्रदेश अन्तर्गत साविक राप्ती अञ्चलको सल्यान जिल्लामा पर्ने बागचौर नगरपालिकाको उत्तरतर्फ पश्चिम रुकुम तथा दार्मा गाउँपालिका, दक्षिणतर्फ छत्रेश्वरी गाउँपालिका, पश्चिमतर्फ सिद्धकुमाख गाउँपालिका तथा शारदा नगरपालिका र पूर्वतर्फ रोल्पा जिल्ला रहेका छन् । यस बागचौर नगरपालिकाको कुल क्षेत्रफल १६३.१४ बर्ग कि.मि. रहेको छ । विश्व मानचित्रमा यसको अवस्थिति २८° २६’ उत्तरी आक्षांशदेखि २८° ३१’ उत्तरी आक्षांश र ८२° १४’ पूर्वी देशान्तरदेखि ८२° २३’  पूर्वी देशान्तर सम्म छ । स्थानीय विकास मन्त्रालयले २०७२ आश्विन १ गते थप २६ वटा नयाँ नगरपालिका थप्दा घोषणा भएको यस नगरपालिका समुन्द्र सतहबाट करिब ११०० मिटरदेखि २२०० मिटरको उचाइमा रहेको छ । लौराबाङ्ग शिर भएर बग्ने शारदा नदी यस नगरको प्रमुख नदी हो भने मोखला बाजेको गुफा यहाँको प्रमुख धार्मिक पर्यटकीय स्थल हो । राप्ती अञ्चलको प्रमुख नदी राप्तीको मुहानको रुपमा सुपरिचित बाँफुखोलाको पानीढल पनि यसै नगरमा अवस्थित छ ।

वि.सं. २०६८ को राष्ट्रिय जनगणना पश्चात बागचौर नगरपालिकाद्वारा वि.सं. २०७६ मा घरधुरी सर्वेक्षण गरिएको छ । घरधुरी सर्वेक्षण, २०७६ अनुसार बागचौर नगरपालिकाको कुल घरधुरी ६,७९७ सहित कुल जनसंख्या ३६,४३२ रहेको छ । जसमध्ये पुरुष ४९.६४ प्रतिशत (१८,०८५ जना) र महिला ५०.३६ प्रतिशत (१८,३४७ जना) रहेका छन् । काम गर्ने उमेर १६ देखि ६० वर्षसम्मको जनसंख्या कुल जनसंख्याको ७४.२८ प्रतिशत रहेको छ । त्यसैगरी, घरधुरी सर्वेक्षण, २०७६ अनुसार यस नगरको लैंगिक अनुपात (Sex Ratio) प्रति १०० महिलामा पुरुषको संख्या ९८.५७ रहेको छ । यहाँको प्रति वर्ग किलोमिटर क्षेत्रमा जनघनत्व २२३.३२ रहेको छ । यस नगरमा औषतमा प्रति परिवार ५.३६ जनसंख्या बसोबास गर्दछन् । त्यस्तै, २०७६ को सर्वेक्षण अनुसार ५ वर्ष र सोभन्दा माथिको साक्षरता दर ६९.११ % रहेको छ ।

यस नगरपालिकाका कुल १२ वडाहरुको तुलनात्मक अध्ययन गर्दा सबैभन्दा धेरै जनसंख्या भएको वडामा वडा नं. २ रहेको छ । जसमा कुल ४,३०४ मानिस बसोबास गर्दछन् । त्यस्तै, कुल २,०३५ जनसंख्या सहित वडा नं. ११ सबैभन्दा कम जनसंख्या भएको वडा पर्दछ । नगरमा ३ हजारभन्दा बढी जनसंख्या भएका वडाहरु ६ वटा रहेका छन् । जसमा वडा नं. २ मा ४,३०४ जना, वडा नं. ४ मा ३,२६४ जना, वडा नं. ५ मा ३,१६४ जना, वडा नं. ३,०३६ जना, वडा नं. ७ मा ४,२०९ जना, वडा नं. ९ मा ३,१०६ जना मानिसहरु बसोबास गर्दछन् । त्यसैगरी,  क्षेत्रफलको हिसाबमा वडा नं. ७ (१८.५७ वर्ग कि.मि.) सबैभन्दा ठुलो वडा हो भने वडा नं. ६ (८.७८ वर्ग कि.मि.) सबैभन्दा सानो वडा हो । औषत घरधुरीको आधारमा सबैभन्दा बढी वडा नं. ५ मा प्रति परिवार ६.०९ जनसंख्या रहेको छ भने सबैभन्दा कम वडा नं. १० मा प्रति परिवार ५.०२ जनसंख्या बसोबास गर्दछन् । त्यस्तै, वडागत कुल घरधुरी संख्याको आधारमा सबैभन्दा बढी घरधुरी वडा नं. २ (कुल ९१० घरधुरी) र सबैभन्दा कम वडा नं. ११ (कुल ४०८ घरधुरी) मा रहेका छन् ।

साविकका गा.वि.स.हरू थारमारे, कोटमौला, कोटबारा, पिपलनेटा, बाफुखोला र शिवरथलाई मिलाएर स्थापना गरिएको यस नगरपालिकामा संघीय संरचना अनुसार कुल १२ वडा रहेका छन् । साविकका गा.वि.स. अनुसार नगरपालिकाको वडा विभाजन तलको तालिकामा प्रस्तुत गरिएको छ ।

 

तालिका नं. १ : बागचौर नगरपालिकाका साविकका गाविसहरूको विवरण

वडा नम्बर

समावेश भएका साविकका गा.वि.स.

साविकका वडा नम्बर

                 १

                                 थारमारे

१ ,२, ३

थारमारे

४ ,५, ८

थारमारे

६ ,७, ९

शिवरथ

४, ९

शिवरथ

५ – ८

कोटबारा

२,३,४,५

कोटबारा

१, ६ ,७,८९

कोटमौला

१,२,३,४,५

कोटमौला

६,७,८,९

१०

पिपलनेटा

१,२,३,४,५,६,७,८,९

११

बाफुखोला

६,७,८,९

१२

बाफुखोला

१,२,३,४,५

स्रोतः बागचौर नगर प्रोफाईन

१ वटा क्याम्पस, १० वटा माध्यमिक विद्यालय, १५ वटा आधारभुत विद्यालय र ४४ प्राथमिक विद्यालय रहेको यस बागचौर नगरपालिकामा १ प्राथमिक स्वास्थ्य चौकी, ५ स्वास्थ्य चौकी र ३ शहरी स्वास्थ्य केन्द्र रहेका छन् ।

बागचौर नगरपालिकामा ब्राह्मण, क्षेत्री, कामी, दमाई, मगर, ठकुरी, सार्की, तामाङ, गाइन आदि जातजातीको बसोबास रहेको पाइन्छ । यहाँका अधिकांश बासिन्दाले हिन्दु धर्म मान्छन् भने थोरैको संख्यामा क्रिश्चियन र ईस्लाम धर्म पनि मान्ने गरेको पाईन्छ । यस नगरका मानिसहरुको मुख्य पेशा कृषि हो । यहाँ सबैभन्दा बढी मकै, गहुँ, जहुँ, आलु, कोदो, सुन्तला, अदुवा, टिमुर, आदि उत्पादन हुने गरेका छन् । बागचौर नगरपालिका भित्र पर्ने मुख्य बजार क्षेत्रहरूमा मोखला, कालाखेत, थारमारे, बागचौर, खरिबोट, रारेचौर, बाङ्गेलाखुरी, पेदिखोला, सिमखोली, बाफुखोला, दोभानबजार, बगरबजार, रातामाटा, पातिहाल्न, कोटबारा टाट्केबजार, कोट्मौला पातिहाल्न शन्देशबजार, खोरबारे, पिपलनेटा, चौरपानी, रातापोखरा आदि पर्दछन् ।

तालिका नं. २ : बागचौर नगरको वडागत जनसंख्या विवरण

वडा

पुरुष

महिला

अन्य

जम्मा

घरधुरी

प्रतिधरधुरी औषत जनसंख्या

१५९३

१३६८

२९६१

५३५

५.५३

२०२१

२२८३

४३०४

९१०

४.७३

१३०८

११६२

२४७०

४८९

५.१५

१६८०

१५८४

३२६४

५३९

६.०६

१२९१

१८७३

३१६४

५१९

६.१

१५१६

१५२०

३०३६

५७७

५.२६

२०५६

२१५३

४२०९

७३८

५.७

१३७६

१३२२

२६९८

४९५

५.४५

१६०७

१४९९

३१०६

५८१

५.३५

१०

१२८४

१२४८

२५३२

५०४

५.०२

११

१०४२

१०११

२०५३

४०८

५.०३

१२

१३११

१३२४

२६३५

५११

५.१६

जम्मा

१८०८५

१८३४७

३६४३२

६७९७

 ५.३८

स्रोतः नगर तथ्यांक सर्वेक्षण, २०७६


                                     

तालिका नं. ३ : बागचौर नगरपालिकाको क्षेत्रफल, जनसंख्या तथा घरधुरी विवरण

                                                               सामान्य विवरण

 

विवरण

२०७५

क्षेत्रफल

१६३.१४

जम्मा जनसंख्या

३६,४३२

पुरुष

१८,०८५

महिला

१८,३४७

जम्मा घरधुरी

६,७९७

लैंगिक दर

९८.५७

औषत परिवार आकार

५.३८

५ वर्ष र सोभन्दा माथिको साक्षरता दर

६९.११

जनघनत्व (प्रति वर्ग कि.मि.)

२२३.३२

स्रोतः नगर तथ्यांक सर्वेक्षण, २०७६

बागचौर नगरपालिकाको क्षेत्रफल १६३. १४ वर्ग कि.मि. रहेको छ ! साथै यस नगरको कुल जनसंख्या ३६,४३२ रहेको छ । जसमा महिलाको जनसंख्या १८,३४७ र पुरुषको जनसंख्या १८,०८५ रहेको छ । नगरको लैङ्गिक अनुपात ९८.५७ (प्रति १०० महिलामा पुरुषको संख्या) रहेको छ । समग्र नगरको जनघनत्व २२३.३२ प्रति वर्ग कि.मि. रहेको छ । नगरमा औषतमा प्रति परिवार ५.३८ जनसंख्या बसोबास गर्दछन् ।

यस नगरपालिकाका १२ वडाहरुको तुलनात्मक अध्ययन गर्दा सबैभन्दा धेरै जनसंख्या भएको वडामा वडा २ रहेको छ । जसमा जम्मा ४,३०४ मानिस बसोबास गर्दछन् ।