अदुवा, बेसार, टिमुर, मकै, गहुँ तथा बेमौसमी तरकारी खेतीका लागि यो वडा राम्रो मानिएको छ । वडामा बसोवास गर्ने व्यक्तिको मुख्य पेसा कृषि रहेको छ । यसबाहेक व्यापार, व्यवसाय तथा घरेलु उद्योग, थोक तथा खुद्रा व्यापार, शिक्षण, वैदेशिक रोजगारी, सरकारी सेवाका साथै होटल, पर्यटन जस्ता आयआर्जनका पेसाबाट वडावासीले आफ्नो जीविकोपार्जन गर्ने गरेका छन् ।

श्री सरस्वती आधारभुत विद्यालयलाई माध्यमिक तहमा अपग्रेड गरिएको छ भने चारकोठे पक्की भवन निर्माण, आईसिटी ल्याबको पनि स्थापना गरिएको छ । प्रविधी प्रयोगमा पहुँच बढाउन तयार पारिएको आईसिटी ल्याब प्रभावकारी भएको छ । सामुदायिक विद्यालयका भवन निर्माण तथा शैक्षिक एवम् भौतिक सुधारमा विशेष कार्यहरु पनि भएका छन् ।