बागचौर नगरपालिका सल्यानले कोभिड १९ संक्रमितका लागी अक्सिजन सहितको २५ शय्याको आइसोलेसन वार्ड आज उद्घाटन गरी सञ्चालनमा ल्याइएको छ ।

नगरपालिकाको आइसोलेसन केन्द्रमा १ जना मेडिकल अधिकृत (MBBS), ४ जना हेल्थ असिस्टेन्ट(H.A.), २ जना स्टाफ नर्स, ३ जना अनमी सहितको स्वास्थ्यकर्मीको टिम र ५ जना कार्यालय सहयोगी सहितको टोली परिचालन गरेको छ । आइसोलेसन सेन्टरमा ३८ वटा ठुला अक्सिजन सिलिन्डर र ५ वटा अक्सिजन कन्सन्ट्रेटर रहने छन् । अहिले ८ वटा अक्सिजन सिलिन्डर आइसकेका छन् भने बाकी सामान आउँदै गरेका छन् ।